CINCO ANOS E MÁIS

A MIÑA DESPEDIDA

2010-06-25T09:00:00.002+02:00

Percorrimos xuntos un pedaciño das nosas vidas, pero agora debemos separarnos. É necesario que sexa así, pois cumprimos unha etapa e todos debemos seguir medrando.Vós comezades a Primaria e eu unha nova andaina noutro cole.

CINCO ANOS E MÁIS serviu como ventá para amosar aos demais o que faciamos no cole e tamén como unha ferramenta para adquirir dunha forma lúdica conceptos traballados na aula.
Este blog non existiría sen a axuda incondicional da profe Ana, que me ensinou todo o que sei. Moitísimas grazas Ana!!!
Moitos bicos e que gocedes das vacacións.
Déixovos unha serie de xogos para seguir aprendendo.

Números para todos: Tedes que elexir primeiro o idioma, despois o nivel e por último pinchades no debuxo do que queredes xogar. Podedes contar, buscar o modelo, formar parellas ou colocar formas no lugar correspondente.

Animais da granxa e domésticos: Tedes varios tipos de actividades para xogar cos animais.

Xoga e aprende: Aquí atoparedes unha gran variedade de xogos educativos e outros para aprender xogando que é o que máis nos gusta.

Xogando coas formas: Xogo moi divertido para xogar coas formas. Tedes catro niveis de dificultade.

Diferenzas: atopade as seis diferenzas que hai entre os dous debuxos.

FIN DE CURSO

2010-06-23T19:55:00.001+02:00

Onte rodeados dos nosos familiares, compañeiros e mestres celebramos o festival de Fin de Curso. Foi un festival moi bonito xa que nel ensinámoslles a todos os grandes artistas que somos neste cole.
Aquí tedes o video da nosa actuación e tamén o baile das nenas pequenas (Alba, Sabela, Alejandra, Irene, Sofía, Elia, Paula e Sara) de ximnasia rítmica axudadas por Laura, Michelle e Lucía. Que gusto velas bailar!!
Recordade que podedes ver as demais actuacións na web do cole e en pequespazos.

XA REMATAMOS INFANTIL!!!

2010-06-21T20:21:00.000+02:00

AOS NOSOS PAIS E MESTRES

A TODOS EN XERAL

QUERÉMOSLLES DICIR

QUE REMATAMOS UNHA ETAPA

QUE CHEGAMOS AO FINAL

E AGORA NON SABEMOS

SI RIR OU CHORAR.

APRENDIMOS MOITAS COUSAS:

A QUERERNOS, A COMPARTIR

A AXUDAR AOS DEMAIS

NÚMEROS, LETRAS, POESÍAS, CONTOS…

MEU DEUS ¡QUE BARBARIDADE!

E AGORA NON SABEMOS

SI RIR OU CHORAR.

POIS, ¡BÁGOAS FÓRA!

IMOS TODOS RIR:

¡IMOS TODOS BAILAR!

QUE MAÑÁ É OUTRO DÍA

E HAI QUE VOLVER EMPEZAR.

Mañá celebramos a festa de fin de curso e nós preparamos o baile da canción "Soy una taza". Aquí os poño o programa para saber no que lugar actuamos.

Festival Fin de Curso

22 de xuño

1. Monicreques "Os tres porquiños" 2. Poemas de 5º: "Primavera". 3. Baila 3 e 4 anos: "O señor da serra" 4. Obra inglés: "Run giraffe run" 5. Poema de 6º: "conto de medo" 6. Exhibición de ximnasia rítmica (peques) 7. 4º "Romance de lavandeira" 8. Obra "A lúa quería casar", de 1º e 2º 9. Canción 5 anos: "Soy una taza" 10. Exhibición de ximnasia rítmica (maiores) 11. Obra de 3º: "A memoria das árbores" 12. Audiovisual Xoán Farias. 13. Exhibición de ximnasia rítmica (medianas) 14. Entrega de Orlas 15. Maleta de Chispa

DESPOIS DE SECAR... A DEBUXAR

2010-06-16T20:42:00.008+02:00

Xa deixamos que secara o papel reciclado e decidimos facer uns debuxos nel. Este é o resultado. A que nos quedou moi bonito?

FACEMOS PAPEL!!!

2010-06-11T18:30:00.006+02:00

Parece mentira que a partir duns anacos de papel metidos en auga e despois triturados consigamos facer papel no que podemos escribir, debuxar...

Moitas grazas á profe Feli que nos ensinou a facer papel reciclado. Xa nos ensinara cando eramos máis pequenos e só nos lembrábamos de certas cousas. Agora que xa somos un pouco máis grandes e prestamos máis atención recordaremos con máis facilidade todo o proceso que é moi sinxelo.

Recordade:

Primeiro temos que facer anacos de papel e metelos en auga durante polo menos un ou dos días.

Segundo, triturar coa batidora esa mezcla e xa está lista para facer o papel.

Terceiro, temos que deixar secar o papel no periódico durante uns días e xa está listo para utilizar.

No vídeo podedes ver como o fixemos. A que é moi fácil!!!!

MUNDIAL DE FUTBOL

2010-06-09T18:42:00.003+02:00

Faltan dous días para o comezo do Mundial de Futbol que nesta ocasión celébrase en Sudáfrica. Para ir animando á nosa selección e as demais seleccións temos este xogo para vestirnos coa indumentaria de cada equipo.

Moitas especies. Un planeta. Un futuro.

2010-06-05T19:22:00.004+02:00

O 5 de xuño celébrase o Día Mundial do Medio Ambiente. Nesta data estamos chamados a ser máis "verdes" e protexer o planeta para as xeracións futuras. O lema deste ano é Moitas especies. Un planeta. Un futuro.
Para axudar ao medioambiente é necesario recordar as cinco erres: reciclar, reusar, reducir, recuperar e rechazar.
Si queredes xogar un pouco ide a Medrando Xuntos que ali a profe Ana ten un xogo para axudar ao noso planeta.

INVASIÓN DE GUSANOS

2010-05-31T09:12:00.000+02:00

No cole temos unha invasión de gusanos de seda. Dos ovos do ano pasado sairon uns pequenos gusaniños que cada día están mais grandes e comen morera a todas horas. Este ano imos ver todo o proceso da súa transformación en volvoretas. Pinchade na foto do gusano si queredes saber máis.
Para pasar un rato xugando deixovos estos xogos, pinchade na imaxe de cada xogo e a xogar!!!

Podemos facer uns puzzles das diferentes etapas polas que pasa o gusano de seda. O puzzle pode ser moi sinxelo pero si queremos podemos complicalo. Intentade falelo o máis dificil posible, xa veredes que divertido é.

Como sei que vos gusta moito colorear aquí tedes a Bertín o gusaniño de seda para ser uns verdadeiros artistas.

A NOSA PRIMAVERA

2010-05-28T17:51:00.001+02:00

A primavera está en todo o seu explendor, os campos están cheos de flores, e no noso cole tamén, estos días apareceron polo corredor un grupo de flores. Aquí tedes o proceso que realizamos para conquerir un campo tan florido.

A NOSA CELEBRACIÓN DAS LETRAS GALEGAS

2010-05-22T19:43:00.007+02:00

Aínda que con un pouco de retraso, xa que tivemos que esperar aos de 5º e 6º que ían de excursión a Cantabria, celebramos na biblioteca a conmemoración do DÍA DAS LETRAS GALEGAS.

Nós preparamos esta poesía sobre o cuco que escribiu Uxío Novoneyra.

CANTA O CUCO, CALA E CANTA
DOS CASTIÑEIROS DO VAL.
PASA O TEMPO E NON DI NADA
E VOLTA O CUCO A CANTAR.

Aquí tedes a nosa actuación, a pena que só eramos catro pero nos saiu moi ben.

LETRAS GALEGAS 2010

2010-05-15T12:37:00.004+02:00

O día das Letras Galegas adícase ao escritor Uxío Novoneyra. Nós no cole, como cada ano, elaboramos entre todos os nenos e nenas de Educación Infantil a súa biografía. Esta é unha maneira divertida de coñecer a vida e obra do autor a quen se lle adica este día tan importante para a nosa lingua.
Aquí tedes o resultado.

FELIZ DÍA DE EUROPA

2010-05-09T00:48:00.001+02:00

Hoxe conmemoramos o día de Europa. A orixe desta celebración a ten en que nese día Robert Schuman presentou unha proposta para a creación dunha europa organizada requisito indispensable para o mantemento de relacións pacíficas.

Esta propuesta, conocida como Declaración Schuman, é considerada como o xermen da creación do que actualmente é a Unión Europea.

O 9 de maio convertiuse no símbolo europeo (día de europa), que xunto coa bandeira, o himno, o lema e a moeda única (euro) identifican a identidade política de Unión Europea.

Si tedes ganas de xogar un pouco podenes visitar medrando xuntos que alí a profe a Ana ten uns xogos moi divertidos. Teñen algunha dificultade pero coa axuda de amiores podedes xugar con algún.
Moi feliz día!!!

FELIZ DÍA MAMÁ

2010-05-02T00:24:00.006+02:00

Moitas felicidades a todas as nais. Para celebrar este día decidimos facer un debuxo das nosas nais. Espero que vos gusten.

MENUDOS CONDUTORES!!!

2010-04-29T21:23:00.014+02:00

Onte vivimos unha experiencia fantástica, na antiga estación do tren de Barallobre está situado o Parque de Educación Viaria de Fene. Alí ensináronnos as primeiras nocións teóricas e prácticas sobre este tema. Estivemos moi atentos as explicacións das monitoras e aquí tedes uns videos da nosa práctica. Que ben o pasamos!!!!

Si queredes ver as fotos e aos maiores conducindo ide a pequespazos ou a medrandoxuntos.

APRENDEMOS A CONDUCIR

2010-04-26T17:30:00.007+02:00

O xoves imos demostrar o bo condutores que somos pero para practicar temos este xogo. Pincha na imaxe e a xogar!!!

INVENTAMOS CONTOS

2010-04-23T19:23:00.008+02:00

Hoxe celebramos o día do libro e Chispa trouxo do Pais dos libros un montón deles e nós queremos regalarlle unha das nosas creacións: Inventamos contos. Esperamos que vos gusten, a nós gustounos moito facelos.

FELIZ DIA DO LIBRO

2010-04-23T09:00:00.004+02:00

Hoxe celébrase o Día Mundial do Libro e dos Dereitos de Autor. A orixe desta celebración débese a que o 23 de abril conmémorase o pasamento de dous escritores:

o español Miguel de Cervantes y Saavedra,

e o inglés William Shakespeare.

Disfrutade deste día, como non, lendo un libro. Feliz día!!!

DÍA DA TERRA

2010-04-20T15:00:00.002+02:00

O 22 de abril celebramos o 40 aniversario do día da Terra. Moitos habitantes do planeta toman conciencia dos serios problemas de contaminación que xeramos no noso planeta. No día da Terra estamos convidados a participar en actividades que promovan a saúde do noso planeta, tanto a nivel global como rexional e local.

Deixovos tamén un video cunha canción de Luz Casal que espero que nos axude a concienciarnos do bonito que é o noso planeta e o feo que podemos chegar a deixalo.
Coidar o planeta é moi importante!!!

Tamén para pasar un rato entretido xogando podemos axudar a un paxariño cando cae da árbore para que non se faga dano. Espero que vos guste.

POESÍA E IMAXE

2010-04-11T20:32:00.012+02:00

Como cada ano participamos no Certame de Creación Artística Poesía e Imaxe, promovido polo concello de Ferrol e pola Coordinadora de Equipas de Normalización Lingüística.
A poesía que eleximos para ilustrar é a de Robert Louis Stevenson que tedes a continuación.

Antes de ilustrala traballamos sobre ela, a limos e conversamos sobre o que falaba, xogamos coas nosas sombras e experimentamos con elas, como crecían e minguaban, a cor da nosa sombra, a forma dela.....
Aquí tedes o resultado do noso traballo :

XA É PASCUA!!!

2010-04-04T09:00:00.005+02:00

Hoxe domingo de Pascua os padriños regálanlles aos seus afillados ovos de chocolate ou roscas. Para facelos é necesario que as galiñas poñan ovos, pero estas teñen un problema, axudaas a que non se lles rompan. Pincha na imaxe e a xogar!!!

Tamén podes axudar ao coello a coller ovos, pero so os que teñen estreliñas.

DÍA INTERNACIONAL DO LIBRO INFANTIL

2010-04-02T01:00:00.002+02:00

Como cada ano dende 1967, o 2 de abril, celébrase o Día Internacional do Libro Infantil, un día que, ademais de servir para facer chegar o amor polos libros aos máis pequenos, conmemórase o nacemento do popular escritor danés Hans Christian Andersen. Varios dos seus contos son moi coñecidos por todos nós, O patiño feo, O soldadiño de chumbo...

Como estamos de vacacións deixovos uns videos destes contos para que estedes entretidos.

Tamén escribiu contos menos coñecidos como As flores da pequena Adia que espero que vos guste.

DÍA MUNDIAL DO TEATRO

2010-03-28T11:42:00.006+02:00

Dende o ano 1961 o Instituto Internacional do Teatro, celebra o 27 de marzo como o Día Mundial do Teatro.

Nós na escola tamén o celebramos e aprobeitamos a proximidade do Día da Poesía para facelo dunha maneira conxunta. Nesta ocasión coincidiu coa finalización do trimestre e que mellor ocasión para ensinarvos a poesía que aprendinos sobre o inverno "Abrigome en inverno"

XOGAMOS COS SENTIDOS

2010-03-24T18:23:00.004+01:00

Durante estos días estivemos aprendendo moito sobre o noso corpo. Para seguir aprendendo mais cousas temos un xogo dos sentidos, espero que vos guste e o pasedes moi ben aprendendo. Pinchade na image e a xogar!!!

DÍA DA POESÍA

2010-03-21T09:00:00.005+01:00

Hoxe celebramos o día da poesía e por iso fixemos entre todos unha escolma de poemas que imos intercambiar co C.E.I.P. "O Ramo" de Fene e o C.E.I.P. "Unión Mugardesa" de Mugardos. Espero que vos gusten.

CHEGA A PRIMAVERA

2010-03-20T19:00:00.005+01:00

Despois dun longo inverno xa chega a primavera, os días son máis longos, as árbores comezan a brotar, os campos empezan a estar cheos de flores, os paxariños fan os seus niños.... xa é primavera!!!

Deixo este conto, que espero que guste.

UN CONTACONTOS ESPECIAL

2010-03-10T12:04:00.005+01:00

Onte na biblioteca tivemos unha sesión de contacontos moi especial. Con motivo do día da muller traballadora as nais do noso cole participan nesta actividade que se realiza durante a semana. Non todas as mamás poden ainda que a elas lles gustaría moito, xa que como dixemos son mulleres traballadoras.

Ana, coa axuda de da súa filla Alba, contounos un conto moi bonito para que nos fixeramos amigas da oscuridade. Moitas grazas.

O NOSO CORPO

2010-03-05T09:26:00.006+01:00

No noso corpo pasan un montón de cousas e non é sinxelo saber como e por que, por iso a partires da vindeira semana comezaremos a traballar co CORPO HUMANO para que dunha forma sinxela podamos aprender a coñecer o noso corpo e saber como funciona.
E para que xa vaiades entrando no tema, aquí tedes estes xogos sobre o MEU CORPO POR DENTRO.

QUE SORPRESA!!

2010-03-05T09:00:00.002+01:00

Onte tivemos unha sorpresa moi especial, a profe Feli veu a nosa clase a ensinarnos un aparello moi estraño. Era un xogo que fixera un neno fai tempo e que ela recuperou para que nós xogaramos un rato con el. Foi unha experiencia fantástica.

MIRANDO AO CEO

2010-02-19T09:57:00.011+01:00

Onte pola noite fixemos unha excursión moi especial, fomos a aula ambiental de RECICLATERRA a ver a Lúa e as estrelas. Tivemos moita sorte xa que entre nube e nube conseguimos poder velas, parecía coma si as poideramos tocar.

ASÍ NOS DISFRAZAMOS

2010-02-18T18:06:00.004+01:00

O pasado venres celebramos a festa do Entroido. O cole transformouse por un día no Ferrol da Ilustración. Encheuse de Donas e Cabaleiros que o pasaron moi ben. Primeiro fixemos un desfile no salón de actos e fotografiáronnos co noso Meco Ilustrado, a continuación saímos ao patio a despedirnos del lendolle os Testamento que fixeron os nenos e nenas do 2º e 3º Ciclo. Que frío pasamos!!!! Menos mal que a súa queima quentounos un pouco e como isto non chegou as nais da ANPA fixéronnos un chocolate que estaba boísimo.

QUE BEN O PASAMOS!!!

O ENTROIDO XA ESTÁ AQUÍ

2010-02-09T13:20:00.005+01:00

O Entroido é unha das festas máis celebradas e populares do noso país. Pronto chegará e mentres tanto, podemos dar renda solta á nosa imaxinación coa páxina oficial das “TRES MELLIZAS” onde temos ideas para disfrazarnos, caretas para imprimir e recortar e tamén a posibilidade de disfrazar ás Tres Mellizas. É moi divertida e interesante.

ASÍ CELEBRAMOS O DÍA DA PAZ

2010-02-02T08:13:00.007+01:00

O pasado venres 29 celebramos no colexio o Día da Paz. Xuntámonos todos na biblioteca e alí limos e vimos moitas cousas relacionadas coa PAZ: Un power point da "teacher" Isabel que leron unhas nenas de quinto, unha poesía tamén en inglés que leron os nen@s de terceiro, un poema en galego preparado polas profes de relixión, un power point da profe Rosa que nos ensinou que no respecto ás diferencias tamén está a Paz, e por suposto limos o noso libro colectivo da PAZ.

A continuación, no salón de actos todos tiramos ao mesmo tempo o noso avión con mensaxe e recollimos o de outro compañeiro ou compañeira. E rematamos cantando coma sempre a nosa canción para a paz: ¡QUE VIVAN A PAZ E O AMOR!

Si queredes ver todas as fotos dese día podedes ir a BIBLIOSPAZOS ou a pequesPazos .

Aquí queda a nosa actuación dicindo a Poesía da Paz que aprendimos coa profe Ángeles.

DÍA ESCOLAR DA PAZ

2010-01-29T09:00:00.001+01:00

O día 30 de Xaneiro celebramos o Día Escolar da Paz e queremos compartir con todos vós os nosos mellores desexos.

Neste día os colexios convírtense en instrumentos de paz e entendimento entre as persoas de distinta formación, raza, cultura e relixión. Non debemos esquecer que a escola é o reflexo dunha sociedade na que hemos de contribuir, a través da educación, a concienciación de todos na construcción dun mundo mellor, un mundo máis xusto e máis humano que permita que todos os individuos teñan a mesma oportunidade de desenvolver plenamente as súas facultades no seno dunha sociedade libre, xusta, responsable e en paz.Por iso, debemos fomentar unha educación en e para a tolerancia, a solidaridade, a concordia, o respecto dos Dereitos Humanos, a non violencia e a paz.

Contamos coa colaboración de todos vós, para que xuntos podamos conquerir cada vez un mundo mellor.

Como o día 30 de xaneiro é sábado preparamos para o venres varias actividades no nos cole, como a elaboración dun libro colectivo para a biblioteca, cantanos a canción "Que vivan a paz e o amor".

Tamén queremos aportar este video con unha canción sobre a paz e a non violencia. Espero que vós guste e o disfrutedes.

AFORRANDO ENERXÍAS

2010-01-22T10:00:00.010+01:00

Hoxe despídese do noso cole a exposición "Aforrando enerxías" da asociación Lapis Verde.

A exposición gustounos moito xa que a través de varias ilustracións de Leandro Lamas intentan concienciarnos sobre o aforro da enerxía. Intentaremos seguir os seus consellos. Cada un de nós elexíu un panel e aquí tedes a mostra da nosa elección.

XA É NADAL!!!

2009-12-26T18:10:00.009+01:00

Xa estamos en Nadal e para celebralo fixemos un festival moi chulo. A profe Ana sacounos unhas fotos. A que estamos moi guapos?.

Grabamos as dúas actuacions e aquí podedes ver o ben que o fixemos!!!!

XA CHEGOU O NADAL!!

2009-12-15T18:59:00.011+01:00

Xa faltan poucos días para a chegada do Nadal e no cole estivemos decorando a nosa clase e o corredor. Fixemos moitas estrelas, decoramos a árbore cunha canción que imos interpretar no Festival e tamén un bonito tren conducido por Papa Noel coas nosas fotos entre outras moitas cousas.

Ainda que me imaxino que as vosas casas xa están decorados podedes seguir decorando con este xogo que vos deixo aquí.

Visita á Fundación Caixa Galicia. Ferrol

2009-11-27T13:37:00.012+01:00

Hoxe o pasamos moi ben na Fundación Caixa Galicia, fixemos un percorrido polo mundo grazas a exposición fotográfica "Auga, o sangue da Terra" de Manuel Valcárcel, onde vimos as paisaxes de Nova Zelanda, o río Ganxes, os arrozais de China, Níxer para tomar conciencia sobre o uso responsable de este ben escaso.

Que vos parece o noso mar libre de residuos que fixemos no taller? A que nos quedou moi ben!!

DEREITOS DAS NENAS E DOS NENOS

2009-11-23T12:48:00.002+01:00

Van xan vinte anos dende que a Asemblea Xeral das Nacións Unidas fixo a declaración dos Dereitos do Neno no ano 1989. Estes dereitos agrúpanse en cinco categorías: dereitos á supervivencia, dereitos ó desenvolvemento, dereitos a protección, á participación e por último dereitos a ser escoitados.Na nosa clase traballamos sobre o DEREITO Á EDUCACIÓN . Aquí vos deixamos unha mostra dos preciosos debuxos que fixemos aínda que ese día só eramos catro na clase.

A PIZARRA DIXITAL

2009-11-10T17:40:00.002+01:00

Como cada martes hoxe subimos á pizarra dixital. O pasamos xenial!!
Queredes ver algunhas fotos?

XA ESTAMOS AQUÍ

2009-11-10T17:22:00.003+01:00

Somos os nenos e nenas da aula de cinco anos do Colexio de Pazos (Ferrol) e estamos coa nosa profe Ángeles. Hoxe vos presentamos o noso blog de aula:"CINCO ANOS E MÁIS". Esperamos que vos guste tanto como a nós.